Почитувани сегашни и поранешни припадници на Единицата за интервентна полиција при СВР Скопје, низ годините преку Вашата одговорна работа и професионално извршување на задачите ја изградивте Единицата за интервентна полиција која може успешно да издржи современи предизвици и закани.

Единица која е секогаш подготвена да ги заштити животот и безбедноста на нашите граѓани, а токму Вашите постигнати резултати, заслужено Ве позиционираа како главен полициско-безбедносен столб на подрачјето на главниот град Скопје.

Во името на на Македонскиот полициски синдикат и од мое лично име, Ви го честитам денот на формирање на Единицата за интервентна полиција при СВР Скопје, со желба за многу здравје, среќа успех во работата и извршување на задачите и во наредниот период.

По повод Денот на формирање на Единицата за интервентна полиција, се одржа свеченост во полицискиот центар “Ѓорче Петров” на која присуствуваше делегација на МПС во состав од Претседателот на МПС д-р Марјан Кицев и Потпретседателот Горан Ристевски.

На свеченоста од страна на припадниците на ЕИП беше изведена показно тактичка вежба, а свое обраќање имаа Директорот на БЈБ м-р Сашо Тасевски и Командантот на ЕИП Дејан Несторовски.

,,ВАШАТА ХРАБРОСТ И ПОСВЕТЕНОСТ НЕКА БИДАТ ПАТОКАЗ ЗА ИДНИТЕ ГЕНЕРАЦИИ“

Нека е честит Денот на единицата! Да го славите уште многу години со нови победи и успеси!

Со почит

Македонски Полициски Синдикат

Претседател

д-р Марјан Кицев