Почитувани,

сакаме да Ве известиме дека од страна на сопственикот на УО ,,PUB,, од Делчево, Влатко Величковски, денес, за потребите на ОВР Делчево, на Македонскиот полициски синдикат-Совет Кочани ОО Делчево се донирани два мулти-функционални принтери.

Донацијата ја прими Претседателот на Основна организација на МПС- Делчево, Илчо Доневски, и истата му ја предаде на Началникот на ОВР Делчево, Зоран Багевски, за понатамошна употреба.

УО ,,PUB,, од Делчево со оваа донација се приклучува на низата општествено одговорни компании кои несебично и солидарно го прифатија нашиот повик и со нивните донации преку Македонскиот полициски синдикат помагаат за подобрување на условите за работа на вработените во МВР.

Ни преставува особено задоволство што се повеќе компании ги подржуваат активностите на МПС и МВР за подобрување на условите за работа на вработените. Како Македонски полициски синдикат преку нашите органи и тела на месечно ниво издвојуваме значителна сума на средства со кои се набавуваат матријално техничките средства кои ги предаваме на нашите членови и со нив ги подобруваме условите за работа, а со тоа се приклучуваме на активностите на МВР кои досега реновираа 78 објекти.

Со почит

Македонски полициски синдикат

Претседател

д-р Марјан Кицев